9 முதல் 12ம் வகுப்பு மாணவர்களுக்கு தொலைபேசி வழிகாட்டுதல் மையம். கொரோனா தொற்றின் காரணமாக பள்ளிகளில் நேரடி வகுப்புகள் நடைபெறாமல் இணையவழி வகுப்புகள் நடைபெற்று வருகின்றன.
இதனால் வீட்டிலேயே முடங்கியுள்ள 9 முதல் 12ம் வகுப்பு வரையிலான மாணவ, மாணவிகளுக்கு ஏற்படும் அச்சத்தை தவிர்ப்பதற்காக ஆலோசனை வழங்க ஹெல்ப்லைன் தொலை பேசி மையத்தை நெல்லை கலெக்டர் விஷ்ணு துவக்கி வைத்தார். மாணவர்களுக்கு தேவையான கவுன்சலிங் வழங்க ஆசிரிய தன்னார்வலர்களுக்கு உரிய வழிகாட்டு தல் நெல்லை மாவட்ட முதன்மைக்கல்வி அலுவலரால் வழங்கப்பட்டுள்ளது.
எனவே , நெல்லை மாவட்டத்தில் உள்ள 9 முதல் 12ம் வகுப்பு பயில்வோர், தற்போதைய மனநிலையில் மனநலம் சார்ந்த பிரச்னைகளுக்கும், இணையவழி வகுப்புகளுக்கு தயார் செய்து கொள்வது குறித்தும் வார நாட்களில் காலை 9 மணி முதல் மாலை 5 மணிவரை 9342033080 என்ற எண்ணில் தொடர்பு கொண்டு கவுன்சலிங் பெறலாம் என மாவட்ட கலெக்டர் விஷ்ணு தெரிவித்துள்ளார்.
