முதுநிலை பட்டதாரி ஆசிரியர் தேர்வு முடிவுகள் வெளியீடு
சென்னை, ஜூலை 4: தமிழக அரசுப் பள்ளிகளில் காலியாகவுள்ள முது நிலை பட்டதாரி ஆசிரியர்கள் பணியிடங்களை நிரப்புவதற்காக நடத்தப் பட்டபோட்டித் தேர்வின் முடிவுகளை ஆசிரியர் தேர்வு வாரியம் திங்கள் கிழமை வெளியிட்டுள்ளது.
தமிழக அரசுப் பள்ளிகளில் காலியாக உள்ள முதுநிலை பட்ட தாரி ஆசிரியர்கள், உடற்கல்வி இயக்குநர் நிலை -1 மற்றும் கணினி பயிற்றுநர்கள் நிலை -1 ஆகிய பணியிடங்களை நிரப்புவதற் கான போட்டித் தேர்வு கணினி வழியில் கடந்த பிப்.12-ஆம் தேதி முதல் பிப்.20-ஆம் தேதி வரை 16 அமர்வுகளில் நடைபெற்றது. தமிழ், இயற்பியல், வணிகவியல் ஆகியவை உள்பட 17 பாடப் பிரிவுகளில் நடைபெற்ற இந்தத் தேர்வை 2 லட்சத்து 13 ஆயிரத்து 859 பேர் எழுதினர்.
இந்த நிலையில் முதுநிலை பட்டதாரி ஆசிரியர் போட்டித் தேர்வுக் கான இறுதி விடைக் குறிப்பு மற்றும் தேர்வு முடிவுகள் ஆசிரியர் தேர்வு வாரிய இணையதள முகவரியில் (trb.tn.nic.in) திங்கள்கிழமை வெளியி டப்பட்டுள்ளது. இந்த தேர்வுக்கான உத்தேச விடை குறிப்பு கடந்த ஏப் ரல் 9-ஆம் தேதி வெளியாது. இதில் 4,276 தேர்வர்களின் இணையவழியி லான விடைக்குறிப்பு ஆட்சேபனைகள் பரிசீலனைக்கு எடுத்துக்கொள் ளப்பட்டன. அவை 115 பாட வல்லுநர்களால் ஆய்வு செய்யப்பட்டன.
இதைத் தொடர்ந்து வல்லுநர்களின் இறுதி முடிவின் அடிப்படையில் இறுதி விடைக்குறிப்பு தயாரிக்கப்பட்டது. அதனடிப்படையில் விடை கள் திருத்தம் செய்யப்பட்டு முடிவுகள் வெளியிடப்பட்டுள்ளன.
Tags:
TRB Notification